Склоности и предупредувања

• Над 41% од жените имаат болки во грбот.
• За повеќе од 80% од жените, болките во грбот започнале пред повеќе од една година.
• Опфатени се сите групи на возрасти – третина од девојките од 16-24 години се жалат на болки во грбот, а приближно половина од жените помеѓу 45-64 години.
• Во сите групи на возрасти, повеќе жените отколку мажите, страдаат од болки во грбот.
• Болките во грбот на жените се подолготрајни отколку оние на мажите. Мажите имаат пократкотрајни, но поостри болки.
• Жените се помалку активни од мажите поради болките во грбот.

Самиот факт што сте жена претставува проблем за грбот

• Месечните циклуси предизвикуваат болки во грбот
• Бременоста и децата ја зголемуваат чувствителноста на болките во грбот. Студиите во Америка индицираат дека 40-60% од бремените жени се здобиваат со болки во грбот.
• Болките кај мажите често се резултат на некоја повреда; кај жените се резултат на нивниот секојдневен живот, како последица на активностите со долготрајно стоење, вклучувајќи ги и домашните активности и грижата за децата.
• Жените повеќе страдаат од мажите при повреди со моторни средства, и потешко заздравуваат.
• Главните причинители за болките во грбот кај жените се кревањето тешки предмети во домаќинството, работата во градината и чистењето со правосмукалка.

Болките во грбот и работата

• Само 17% од жените со болки во грбот имаат работни места каде што се води грижа за грбот.
• Одговорните за здравје и безбедност ги наведуваат болките во грбот како втор најголем проблем којшто е предизвикан, или се влошил, од работното место. Само стресот може да предизвика поголема штета.
• Жените кои работат во здравствените институции, малопродажните центри, хотелиерство и угостителство, банкарски, финансиски и осигурителни компании, се почувствителни на болки во грбот.
• Медицинските сестри се склони на болки во грбот. Голем процент од нив ги повредуваат грбовите секоја година и дури половина од повредените се неспособни за работа како резултат на тоа.

Болките во грбот не се одредени од полот
Сепак постојат одредени проблеми коишто ги поврзуваат жените со болките во грбот:

РАБОТАТА – става многу жени на висок ризик од болки во грбот:

• Повторливите задачи коишто вклучуваат туркање, влечење или искривување на телото на работните места како што се тие во супермаркетите, работниците во линиското производство, хигиеничари и механичари
• Чистачите во продавниците и фабриките, работниците во контакт центрите и административните работници коишто стојат или седат подолго време
• Кревањето, искривувањето, истегнувањето и дофаќањето кај групи како што се социјалните работници, медицинските сестри, наставници на мали деца или сметководствениот персонал
• Малата сатисфакција од работата и платеноста – во просек жените заработуваат помалку од мажите, работат хонорарно и имаат послаби можности за кариера заради грижата и обврските околу децата

ДОМОТ – кадешто жената сè уште го има водството во извршувањето на домашните задачи:

• Kупување – носење тешки работи
• Чистење – свиткување, туркање и влечење
• Пеглање – стоење и искривување

ЗДРАВЈЕТО НА ЖЕНИТЕ – фактори кои придонесуваат за болки во грбот:

• Бременост – хормонални и други промени
• Грижата за децата – доење, бањање, подигнување
• Менструални циклуси
• Менопауза и ризик од остеопороза
• МОДА – барања и притисоци од жената како:
• Високите потпетици можеби ги издолжуваат нозете, но го искривуваат грбот
• Тесната облека со која се нагласува линијата го отежнува движењето
• Силиконските импланти го оптоваруваат грбот

ЖЕНАТА, СЕМЕЈСТВОТО И ОПШТЕСТВОТО – односи и врски

• Најчесто жените се грижат за семејството кога некој член не се чувствува добро и често пати се советници и одлучувачи за домашни набавки, од лекови, па сè до мебел
• Главно жените даваат практична помош и емотивна поддршка на пријателите
• Жените преовладуваат во професии поврзани со грижа и здравствени совети за другите
• Подобра грижа за грбот кај жените, истовремено значи и подобра грижа за мажите и децата