Акупунктура
Терапија со помош на тенки игли за контрола на енергетските токови во телото.

Аналгетик
Средство против болки.

Анти-инфламаторно
Го намалува воспалението кое предизвикува болки.

Анкилозен спондилитис
Тешка болест која предизвикува отекување на зглобовите и спојување на коските.

Билатерално
На двете страни од телото.

Цервикален
Поврзан со седумте пршлени кои го сочинуваат вратот.

Опашка
Последната коска од `рбетот, составена од четири мали поврзани пршлени.

Конгенитален
Присутен од раѓање.

Конзервативен третман
Не-хируршки третман на проблемите со грбот.

Дијагноза
Идентификација на болест или промена во психата и/или телото кај одредена личност.

Дегенерација на дискус
Дискусите помеѓу пршлените се раскинуваат како што стануваат поригидни, со што го ограничуваат движењето на `рбетот и го зголемуваат абењето на пршлените.

Епидурално
Лек вбризган во `рбетот, за намалување на болки.

Фацета
Точката во која се сретнуваат два пршлени и се движат во спротивна насока еден од друг.

Фрактура
Скршеница на коската.

Хербализам
Употреба на растенија и растителни лекови за третман на болести.

Хернија
Избива низ друг дел од телото, на пример, мекото јадро на дискусот низ неговата цврста надворешна обвивка.

Инфламација
Воспаление - Реакција на телото на повреда или болест, што вклучува отоци, болка, топлина и рана.

Интрамускулно
Инјекција во мускул.

Интравенозно
Инјекција во вена.

Лигамент
Ленти од фиброзно ткиво која ги поврзува коските на зглобот.

Лумбаго
Непрецизен термин за болки во половината.

Неспецифична болка во половината
Ова име понекогаш се дава на болка предизвикана од оштетување на мускулите и лигаментите во и околу лумбалните пршлени.

Корен на нерв
Почетокот на нервот каде што излегува од `рбетниот мозок.

Ортопедски
Поврзан со делот од медицината кој се занимава со проблемите со скелетот.

Остеопороза
Болест која ги прави коските порозни и покршливи.

Патологија
Гранка од медицината која се занимава со истражување на мртви ткива.

Карлица
Круг од коски кој го формираат коските од колковите, сакрумот и опашката.

Прогноза
Проценка на очекуван иден тек и исход од нечија болест.

Психолог
Специјалист за процесите на умот и однесувањето.

Радиолошки технолог
Медицинско лице кое прави рендген снимки и скенови.

Радиолог
Доктор кој ги толкува скеновите или рендген снимките.

Радиологија
Употребата на рендген зраците за дијагностицирање и третман на болести.

Сакрум
Цврст рамен дел на долниот дел од `рбетот кој го формира задниот дел од карлицата, а се состои од пет споени пршлени.

Ишијас
Болка по должината на ишијалниот нерв кој се протега од задната страна на ногата. Најчесто се употребува како термин за опис на проблеми со нозете.

Сколиоза
Странична искривеност на `рбетот.

Шиацу
Форма на масажа која делува врз енергетските токови околу телото, која може да помогне за состојби настанати поради стрес.

Спазма
Ненадејна и/или продолжена контракција на мускулите, која може да предизвика парализирачка болка.

Спинален канал
Отворот кој се протега по должината на `рбетот, во кој е сместен `рбетниот мозок.

Спинална стеноза
Стеснување на спиналниот канал, кое може да врши притисок врз нервите.

Спондилолистеза
Состојба при која еден дискус се изместува надвор од линија со другиот.

Спондилоза
Состојба на `рбетот предизвикана од истрошеност, повреда и дегенерација. Предизвикува стеснување на дискусите и израстоци на коските помеѓу дискусите и пршлените.

Симптом
Промена во телото и начинот на кој дејствува, најчесто како знак на некоја болест или повреда.

Терапија
Или друг збор за третман.

Торакален
Поврзан со градниот кош, или дванаесетте торакални пршлени за кои се поврзуваат ребрата.