Но, што ако се чувствувате лошо? Дали сте осудени на несреќен, нездрав живот? Секако дека не! Никој постојано не се чувствува добро. Искористете ги овие едноставни начини за подобрување на расположението кога сте нерасположени, а во исто време, подобрете си го и имунитетот.

• Едноставно направете го тоа. Иако можеби не сакате да станете од каучот, да се истуширате и да отидете во кино за да го гледате филмот кој мислевте дека можеби е добар, сепак направете го тоа. Отидете на забавата. Заминете до музичката продавница и купете го новиот албум од омилениот бенд. Одвлечкајте се до теретаната.

Најголемиот дел од нас мислат дека ставот мора да се промени пред однесувањето. Тоа е точно, но и обратната варијанта функционира беспрекорно. Ако се натерате да се однесувате на начин кој не е синхронизиран со моменталните чувства, мозокот нема да може долго да ја толерира нескладноста. Тој ќе го промени Вашиот став, за да го синхронизира со однесувањето.

• Откачете ги песимистите. Ограничете го времето што го поминувате со оние што постојано се жалат, се сомневаат и сите останати песимисти. Гледајте ја негативноста како еквивалент на соба исполнета со чад од цигари. Песимизмот е психолошка заразна болест.
• Издувајте се. Ова е клучно. Испразнете се од потиснатите чувства со силен емотивен полнеж. Барем еднаш неделно посетете или викнете различен пријател или роднина и разговарајте со нив за нешто што Ве мачи. Поминете ги сите од листата доверливи луѓе, а потоа почнете од почеток.
• Насмевката прави чуда. Без разлика дали имате причина или не, често смејте се. Нервите кои се поврзани со мускулите во лицето, се поврзани со делот од мозокот кој помага во одредување на расположението. Испратете му на мозокот сигнал дека сте среќни и погодете што – не само што ќе бидете среќни, туку ќе го подобрите и имунолошкиот систем.
• Дајте си аплауз. Ако се случи нешто добро, дајте си го признанието што го заслужувате. Направете голема работа од ништо. Но, кога ќе се случи нешто несреќно, не жалете премногу. Земете ги предвид сите околности и проценете ја Вашата одговорност. Потоа оставете го тоа зад Вас и продолжете понатаму. Не бидете премногу строги кон себеси.
• Влезете во победничка серија. Ништо не успева подобро од успехот. Ставете се во ситуации кои можат да имаат само позитивен исход. Како што ќе искусувате успеси, ќе започнете да се перцепирате како успешна личност, а себеперцепцијата го диктира Вашето однесување.
• Пролонгирајте го задоволството со планирање. Ако направите нешто спонтано во сабота навечер, ќе уживате во тоа, но само во сабота навечер. Доколку тоа нешто го планирате од четврток, ќе бидете во исчекување целиот ден четврток, целиот ден петок и целиот ден сабота. Исчекувањето помага во одредување на расположението. Исчекувањето на негативен настан предизвикува анкциозност, а ако се пролонгира доволно долго и депресија. Исчекувањето на позитивен настан, од друга страна, Ви ги подобрува расположението и ставот.
• Бидете хумористични и смејте се. Хуморот има позитивно влијание на повеќе нешта, вклучително и на имунолошкиот систем, а забавувањето на другите Ве забавува и Вас.
• Преземете контрола. Ако размислиме, зачудувачки е колкав дел од нашите животи можеме да контролираме. Дури и ако ситуацијата е лоша, преземете барем делумна контрола. Не чекајте цел ден за конфронтирачкиот телефонски разговор. Јавете се во 9 часот, наместо да чекате да Ви се јават во 13 часот и да трпите 4 часа анкциозност предизвикана од исчекувањето. Вашиот имунолошки систем го мрази ова.
• Фокусирајте се на позитивните нешта. Не се фокусирајте на негативните нешта врз кои немате никаква контрола. Во која било точка од времето, 90 проценти од нашите животи веројатно се во хаос и немаме контрола врз нив. Фокусирајте 90 проценти од времето на тие 10 проценти кои можете да ги контролирате и ќе добиете позитивни ефекти. На овој начин ќе Ви биде добро 90 проценти од времето.
• Користете го негативното расположение како будилник. Потоа разбудете се и направете нешто околу тоа – веднаш! Не дозволувајте случајноста да стане навика.