Шиацу е јапонска терапија стара повеќе од 300 години, која може значително да Ве придвижи кон подобро здравје и општа благосостојба.

Шиацу е релаксирачки третман и може да биде благотворен за болките во грбот, стрес, главоболки, вкочанетост во вратот, болки во зглобовите и ограничена подвижност, како и бројни спортски повреди и многу други здравствени проблеми.

Употреба и придобивки

Шиацу е јапонски збор кој значи „притискање со прсти“. Тоа е ново име за најстарата форма на медицина – лечењето со раце. Сите ја имаат моќта на допирот и сите реагираат на допир. Шиацу го користи притисокот од рацете и манипулативни техники за подесување на физичката структура на телото и неговите природни внатрешни енергии, за да се одбијат болестите и да се задржи доброто здравје.

Природната телесна тежина се користи при нанесување на притисокот на специјалните точки на телото. Преку притисокот се влијае врз енергијата која тече низ меридијаните. Таа енергија се нарекува чи.

Чи е невидлива, но начинот на кој чи функционира може да се забележи во телото. Кога некоја рана зараснува „сама од себе“ тоа е дело на чи. Чи е потеклото, моќта на животот. Кога чи стагнира, телото се разболува.

Меридијаните се каналите на чи. Понекогаш течат во иста линија со мускулите или крвните садови.

Функциите на меридијаните се:

• контрола на движењето во телото (крв, гасови, воздух, вода)
• поврзување на рацете, нозете и главата со трупот
• комуникација однатре нанадвор и во обратна насока
• контрола врз регулацијата на органите;

Постојат 12 главни меридијани и секој меридијан кореспондира со некој орган и е именуван според специфичен орган.

Техниките на масажа како што се: потчукнување, стискање, триење итн., се применуваат по должината на меридијаните за да се ослободи блокираната енергија и да се обезбеди оптимален проток на чи.

Придобивки од Шиацу масажата:

• Длабока релаксација на мускулите и ткивата
• Намалување на стресот
• Исфрлање на токсините од телото
• Превенција на болести
• Ја зголемува флексибилноста
• Ја подобрува циркулацијата на крвта
• Го намалува крвниот притисок
• Ја балансира чи
• Ги смирува нервите
• Дава добро чувство!

Шиацу е природна способност која луѓето сега повторно ја откриваат.