Најпосле сте се решиле да се вратите во форма или да достигнете ново ниво на фитнес. Одлично. Но, не брзајте со почетокот на новата рутина, пред да размислите за можните последици. Сета мака ќе ви биде попуста и ќе доживеете назадување, доколку за кусо време се повредите поради невнимание.

Прочитајте на што треба да внимавате за да избегнете повреди при вежбањето.

1. Запознајте си го телото

На прв поглед, ова се чини многу едноставно, но експертите за фитнес велат дека многу често се превидува – најдобар начин да избегнете повреди е да си ги знаете ограничувањата на телото. На пример, кога сте свесни дека имате проблеми со коленото, не треба да вежбате на степер, да трчате на лента или да вежбате на преса, бидејќи овие вежби можат да ја влошат состојбата.

2. Полот е најважен

Колку и да се стремиме кон општествена еднаквост, кога станува збор за физиологијата, мажите и жените се различни и според тоа, доживуваат различни повреди при вежбање од различни причини. Секако, ова не значи дека припадниците на едниот или другиот пол треба да избегнуваат одредени активности, туку едноставно треба подобро да се подготват за нив.

Во принцип, мажите подобро се снаоѓаат во вежбите кои бараат статична рамнина на движења, како што се дигањето тегови, склековите итн. Жените пак, подобро се снаоѓаат со активностите кои бараат динамична или дијагонална рамнина на движења, како што се јога, пилатес, степери итн. Дополнително, истражувањата покажале дека жените се посклони на фитнес повреди за време на менструалниот циклус.

3. Однесувајте се во склад со годините

Сакате да вежбате, почнувате со новата рутина, но одеднаш заборавате дека минале години од последниот пат кога добро сте е испотиле. Телото веќе не ви е исто како некогаш. Староста го направила своето. За да избегнете повреди од преоптоварување, започнете со лесни тренинзи. Потоа, како што полека ќе се враќате во форма, ќе можете да го зголемите интензитетот.

4. Загрејте се и не брзајте

Без разлика на фитнес активноста, експертите велат дека имате многу помали шанси за повреда доколку се загреете пред секој тренинг и полека го накачувате темпото.

5. Не претерувајте

Ако постојано изведувате една иста вежба, тоа ќе ви помогне да ја усовршите, но од друга страна, експертите предупредуваат дека со тоа си го зголемувате ризикот од повреда. Кога се повторуваат истите движења на мускулите до бескрај, тоа може да доведе до повреди од преголема употреба, оптоварување, истегнување и сл.