Мит бр.1: болките во половината можат да доведат до парализа ако не се третираат

`Рбетниот мозок започнува од мозокот во главата, поминува низ вратот и грбот и завршува пред долниот дел од `рбетот. Заради тоа што `рбетниот мозок завршува пред долниот дел од `рбетот и има доволно простор за нервните завршетоци во долниот дел од `рбетот, дури и потешки проблеми (како поголема дискус хернија), нема веројатност да предизвика парализа.

Мит бр.2: Болките во грбот најверојатно ќе ми станат поголеми како што стареам

Некои луѓе се загрижени дека болките во грбот ќе им се влошат, со можност да им ги ограничат активностите како што стареат. Во секој случај, болките во грбот се поретки кај луѓето постари од 50 години отколку кај оние од 30-50 годишна возраст. Ова особено важи за болките предизвикани од дискусите, како дискус хернија или дископатија. Заради тоа, ако најдете начин како да се справувате со болките и да ги извршувате вашите секојдневни активности, вашите болки во грбот можат и да се намалуваат како што стареете.

Мит бр.3: `Рбетот е нежен и може лесно да се повреди

Мускулите, врзните ткива и лигаментите околу `рбетот овозможуваат голема јачина, флексибилност и потпора за `рбетот. Заради тоа, општо земено, здрав `рбет не се повредува лесно. Некои активности кои можат да му наштетат на `рбетот се недостигот на добра физичка форма и флексибилност, лошо држење на телото и преоптоварување на грбот, како и други генерално штетни навики, како пушењето и нездравата исхрана. Во повеќето случаи, до моментот на појава на болки во грбот, постои збир на активности во текот на повеќе години кои, подоцна, водат до нестабилен`рбет подложен на повреди.

Мит бр.4: Третманот на повеќето типови на болки во грбот е стандарден

Во споредба со другите здравствени проблеми, постојат многу малку стандардизирани пристапи за третман на проблемите со грбот. Специјалистите за различни области поврзани со `рбетот често нема да се согласат за дијагнозата и најсоодветниот третман. Мал број на дијагнози се конкретизирани (како тумори, инфекции и фрактури) и генерално има поголем консензус за овие дијагнози.

Мит бр.5: Одморот е најдобриот начин да се спречат поголеми болки во грбот

Додека краткотраен одмор во кревет може да помогне за намалување на акутните болки, генерално лекарите не препорачуваат повеќе од еден до два дена одмор. Всушност, лежењето и неактивноста можат да предизвикаат повеќе болки, бидејќи неактивноста води кон атрофија на мускулите и други негативни ефекти, кои ги зголемуваат болките. Многу луѓе со болки во грбот премногу внимаваат и го штитат грбот, па како резултат на тоа, се повеќе подложни на повреди и болки заради лошата физичка форма.

Мит бр.6: Докторот не откри никаков проблем, значи болката ми е „од главата“

Болката е секогаш реална. Лекарот може да не успеал да ја пронајде анатомската причина за болките, но тие сè уште постојат. А за хроничните болки (на пр. оние кои траат подолго од 2 или 3 месеци) е многу важно да се третираат. Психолошките фактори (како депресија и поспаност) ќе треба често да бидат земени во обѕир во вкупната терапија, но многу е важно и да се побараат конзервативни третмани кои можат да ги намалат болките.

Мит бр.7: Морам многу да внимавам на грбот за да спречам повторни болки

Многу луѓе со болки во грбот премногу внимаваат и го штитат грбот, па како резултат на тоа, се повеќе подложни на повреди и болки заради лошата физичка форма. За да остане здрав, на `рбетот му треба редовно истегнување, зајакнување и аеробични вежби. Седечкиот начин на живот и недостигот од вежби водат до недостиг на сила и флексибилност и генерално прават повеќе штета отколку позитивни ефекти. Доколку вашиот лекар не ви препорача поинаку, заштитата на грбот треба да се состои од правилно држење на телото и контролирани движења, како и соодветна физикална терапија (упатство за вежби за грбот) за правилно вежбање.