Луѓето велат: „Одморите се забавни, но патувањето е многу напорно!“. Всушност, патувањето може да придонесе за зголемување на болките во грбот.

Стресот при подготовките, пакувањето, стигнувањето на аеродром на време, чекањето за пријавување и сл., преку психолошкиот стрес влијаат врз грбот.

Тогаш настанува и физичкиот стрес и напори со кревањето на багажот, влечкањето по паркинзи и аеродроми, носејќи ја рачната торба пренатрупана со неопходни предмети и документи.
Но, еден од основните проблеми при патувањето со авион, автобус, воз или со автомобил, кој сите го опишуваат, е болката во половината од долготрајното седење.

За среќа, болките поврзани со патувањето можат да се намалат и во повеќе случаи да се избегнат, со неколку едноставни совети:

• За намалување на стресот кој предизвикува грчеви во мускулите и болки во вратот, рамената и половината, се препорачува да го планирате патувањето навремено, да се спакувате два дена порано, една ноќ порано да го ставите багажот во кола, преку Интернет да ја проверите резервацијата за местото, и да го проверите багажот. Овие на изглед мали работи можат да го намалат стресот и напнатоста од брзање, чекање во редици, и влечкање на багажот. Ако е сè добро испланирано и изведено, болките во грбот поврзани со стресот можат да се избегнат.

• Спакувајте го само багажот кој вие неопходен. Секој член да носи само по еден куфер, плус рачна чанта. Така ќе ја избегнете напнатоста во рамената и вратот, заради носењето на голем товар со вас. Значи, колку полесно, толку подобро.

• Скромниот дизајн на седиштата во повеќето превозни средства предизвикуваат неправилна поддршка на `рбетот и напнување на рамената. За да го избегнете ова, секогаш носете мала перница (на надувување) и сместете ја зад грбот во пределот на половината или вратот за поддршка. Ако немате перница, може да ја свиткате јакната или списанијата, и да ги искористите како потпора за половината. Правилната положба на седење е многу важна за спречување на болки во `рбетот, вратот, рамената и половината.

• Не заборавајте со себе да носите доволно течности додека патувате. Една од основните причини за болка е дехидрацијата. Односно недоволно течности во себе, влијае на одржување на свежината на телото, правилната циркулација, еластичноста на мускулите и тетивите. Не само што треба да пиете големо количество вода, но мора и да избегнувате кафе, чај и газирани сокови затоа што за време на патувањето сите овие ве тераат да се потите, да мокрите... да дехидрирате.

• Ако сте тргнале на долг пат, со воз или авион, обидете се да станувате на еден час да се раздвижите. Едноставно застанете само неколку минути, направите неколку мали движења, свртите се или наведнете се неколку пати, тоа ќе ве држи посвежи, релаксирани и ќе се регулира крвниот проток низ мускулите. Доколку крвта не се движи воопшто или се движи многу бавно, мускулите и тетивите стануваат затегнати и болни!

• Најпосле, внимавајте кога го кревате багажот, ги подигнувате децата, посегнувате по нешто, стапалата да ви бидат рамни на подот и да потклекнете со колената, а не да се свиткувате од половината. Неправилното подигнување на преголеми и тешки предмети е една од најчестите причини за болки во грбот... и една од најлесните за избегнување.

Патувањата не мораат да бидат болни и стресни, како што често ги замислуваме. Ако добро испланираме, и тоа го спроведеме соодветно, притоа грижејќи се за нашето тело додека патуваме... патувањето ќе биде безболно. А што има подобро од пристигнувањето на одмор или на состанок после патувањето, ослободени од стресот, свежи, еластични и... без болки!