Минатиот четврток, на 08.07.2010, во соработка со Црвениот Крст на град Скопје, Студио Модерна подари 100 помагала за `рбет Космодиск Класик на жителите на домот за стари лица „Мајка Тереза“.

Како што веќе пишувавме во една од нашите статии, Домот за стари лица „Мајка Тереза“ во Злокуќани, е единствената социјална установа од ваков вид во Скопје.

Домот има околу сто станари, од кои голем дел се социјални случаи. На дел од жителите 'Мајка Тереза' им е единствениот дом што го имаат.

Објектот е од привремен карактер и е донација од шведската влада и од неколку невладини организации, како помош за граѓаните на Скопје по катастрофалниот земјотрес.

Радоста при нашата посета беше взаемна - за оние кои добија подароци, бидејќи ќе можат да ги намалат или отстранат болките во грбот, полесно да се движат и да ги извршуваат своите активности; за нас кои ги дадовме подароците, бидејќи можевме да ги видиме среќните и задоволни лица на секој од нив.