Вкочанетоста во вратот е честа појава, особено кај луѓе кои цел ден седат пред компјутер, а може да биде последица и од секојдневниот стрес на работното место и во домот.

Има две многу ефективни акупресурни точки за намалување и спречување на болки во вратот и главоболките предизвикани од тоа. Исто така, за поголема ефикасност при вежбање, притискајте ги следните акупресурни точки пред да правите било какви вежби за врат:

Точка 1

Се наоѓа од двете страни на `рбетот, на надворешната страна од вратните мускули, во длабнатината на долната страна од черепот.
Ставете ги рацете врз главата. Со помош на палците притискајте ги овие точки една по една. Притискајте во правец на очите, онолку силно за да ви биде пријатно, не болно.

Притиснете ја десната страна 12 пати. При секое притискање задржете 3 секунди, а потоа отпуштете 1 секунда. Или бројте: притисни 123... отпушти... притисни 123... отпушти... итн. до 12. Повторете и на левата страна.

Притискајте ја оваа точка 2-3 пати дневно кога имате вкочанет врат или болки во вратот. Помага за:

• Олеснување на болките и вкочанетоста во вратот;
• Ослободување од главоболките зад и од страните на главата.

Точка 2

Забелешка: Не треба да се притиска за време на бременост (особено во последното тримесечје) бидејќи може да предизвика контракции на матката.

Се наоѓа во мускулите на врвовите од рамената, на средина помеѓу `рбетот и надворешните краеви на рамената.
Лоцирајте ја со помош на показалецот и средниот прст од левата рака и притиснете ја точката на десното рамо 12 пати. Притискајте онолку силно за да ви биде пријатно, не болно.

Како и кај точката 1, притискајте 3 секунди, потоа отпуштете 1 секунда. Повторете на левото рамо.

Притискајте ја оваа точка 2-3 пати дневно кога имате вкочанет врат или болки во вратот. Помага за:

• Олеснување на болките и вкочанетоста во вратот и рамената.