Секогаш побарајте мислење од лекар!

Точната причина за болките во половината е многу тешко да се одреди бидејќи обично се работи за неколку различни фактори кои ја причинуваат болката. Кај 90% од случаите со болки во грбот, проблемот се решава за 6 недели без оглед на начинот на лечење.
Сепак, доколку самата болка не исчезне тогаш препорачливо е да се консултирате со вашиот доктор за одредување на точна дијагноза и за поефикасен третман.
Исходот од акутната болка во половината во речиси сите случаи не е опасен по живот. Повеќето доктори прво препорачуваат третман во домашни услови во облик на одмор и користење на лекови против болка.

Лежењето на грб со нозете свиткани под агол од 90° и потпрени на стол, е најдобра позиција за ослободување на ’рбетот од дополнителниот притисок и намалување на болката.
Во оваа положба мускулната активност е минимална, а воедно се намалува и мускулниот грч.

Протези за грб за целосна поддршка

Носењето на голем број на протези, појаси за половина или корсети се препорачува како средство за поддршка. Сепак, тие не треба да се користат претерано бидејќи нивната употреба може да го намали тонусот на мускулите и да придонесе за влошување на состојбата. Протезите се препорачуваат во ситуации во кои поддршката на грбот е добредојдена, на пример во текот на физичка работа, возење, итн...

Придобивки од масажата

Масажата е стара терапевтска техника која што често помага во намалувањето на акутната болка во грбот. Тоа е третман без аналгетици, од него не се познати никакви несакани ефекти и е одличен начин за релаксација на вашето тело и ум.
Масажата помага во олеснувањето на болката во грбот преку мешавина од релаксација на мускулните грчеви, зголемување на циркулацијата и промена во перцепцијата на болката. Кога се изведува од страна на професионалец, масажата може да биде навистина ефикасно помошно средство за намалување на болката.

Зoшто да нанесувате топли и ладни облоги кога имате болки во грбот?

Топлината предизвикува локално зголемување на циркулацијата, што ќе предизвика намалување на болката и чувство на релаксација. Ефектите кои се добиваат од употребата на топлите облоги се исти како и оние од масажата. Топлината може да се нанесува на различни начини: топли облоги, инфрацрвено зрачење, топол туш итн.
Ладните облоги или криотерапијата е навистина корисен начин за намалување на болката. Тие ја намалуваат температурата на телото со што ја намалуваат и спроводливоста на сигналите за болка, преку нервите до мозокот. Ова резултира со намалување на болката и релаксација на мускулите.
Криотерапијата често се користи во комбинација со вежби. Постојат различни ладни облоги и сите тие имаат специфични предности, на пр. коцки лед, кесички со гел, спрејови, итн.
За време на терапијата со ладни облоги, потребно е да обрнете внимание на времето на апликација и температурата, се со цел да не се предизвика оштетување на ткивото заради смрзнување.

Како делува електротерапијата врз болките во грбот?

Постојат различни видови на електротерапија која може да ја намали вашата болка по пат на менување на перцепцијата на болката на ниво на нерви.
Најпопуларна, дефинитивно е „transcutaneous electric nerve stimulation “ односно ТЕНС, кој користи слаби електрични импулси за намалување на болката во грбот. Овој метод се докажал како особено успешен за оние пациенти кои патат од стеноза на `рбетот. Постојат многу апарати за ТЕНС терапија во домашни услови.

Дали е ефикасна манипулацијата (местењето)?

Извештаите покажуваат дека ’рбетната манипулација во првите неколку недели од почетокот на болката во ’рбетот може да биде многу ефикасна. ’Рбетната манипулација треба да се изведува исклучиво од страна на професионалец и тоа по точно определена дијагноза. Манипулацијата е процедура со која самите делови се поместуваат надвор од физиолошките и патолошките граници, но во рамките на анатомската рамка на движење.

За терапијата со вежбање

Терапијата со вежбање e многу ефикасен третман откако ќе се намалат болките во грбот. Постојат неколку различни методи на вежби, но нивна главна цел е да се зајакнат мускулите кои му даваат потпора на грбот, ја подобруваат флексибилноста и го подобруваат држењето на телото. Во првата фаза од терапијата со вежбање пациентот учи како правилно да ги користи мускулите и грбот. Во втората фаза се зајакнуваат мускулите за да се спречи повторна појава на болката.
Програмите со вежби за грб се достапни од различни извори и во различни форми. Тие се наменети за намалување на болката во грбот и превенција од нејзино повторно појавување.
Обично програмата вклучува информации за анатомијата и функционирањето на грбот и практичен дел за тоа како да го заштитите вашиот грб во разновидни ситуации.